Сергей Алимович Меликов Дагестан Республикасынынъ Аькимбасынынъ куллыгын юритуьвши этилинип беркитилген. Сонынъ акында РФ Президентининъ официаллык сайтында онынъ Указы баспаланган. Владимир Васильев РФ Президентининъ маслагатшысы этилинип беркитилген.

Сергей Меликов 1965-нши йылдынъ 12-нши сентябринде тувган. Саратовтагы Ф.Э.Дзержинский атындагы Кызыл байраклы СССР МВД-нынъ йогары аьскер командалык училищесин, РФ Савытлы Куьшлерининъ Генераллык штабынынъ Аьскершилик академиясын окып кутарган. «Аталык алдында етимислери уьшин» орденининъ 4-нши дережеси мен, «Аьскершилик уьстинликлери уьшин», Александр Невскийдинъ, Эрлик, Сый орденлери мен савгаланган.
2019-ншы йылдынъ сентябриннен алып Ставрополь крайы атыннан Россия Федерациясынынъ Федераллык Йыйынынынъ Федерация Советининъ агзасы. 2019-ншы йылдынъ октябриннен алып федераллык туьзилиси, регионаллык политикасы, ерли самоуправление эм Сырт ислери бойынша Федерация Советининъ Комитетининъ председателининъ орынбасары. Федерация Советининъ агзасы болганша ол Россия Федерациясынынъ миллет гвардиясынынъ Федераллык службасынынъ директорынынъ – Россия Федерациясынынъ миллет гвардиясынынъ аьскерлерининъ бас командующийининъ биринши орынбасары болып ислеген.