Социаллык газификация программасы бойынша газопровод, аьдемлердинъ акшалары шыгарылмай, патшалык яктан карыжланып, азбарларынынъ туьбине дейим еткерилмеге керек.

Дагестан Республикасында бу социаллык программа бойынша колтыклавга сонъгы гражданлар киредилер: ветеранлар, сакатлар, коьп балалы аьеллер эм ялгыз яшайтаган ясуьйкенлер. Программа бойынша социаллык колтыклавга, коьгилдим отын кулланып, савда юритпеге суьйгенлер кирмейдилер.
Солай ок, газопроводты азбардынъ туьбине дейим еткеруьв болжалы да газ токталган ерден еткерилеек ерге дейим узаклыгына коьре белгиленеди. Социаллык программа бойынша аьризе госуслуги порталыннан, МФЦ-дан яде газ службасынынъ сайтында, оьзинъиздинъ байыр кабинетинъизден бермеге боласыз. Аьризе мен косылып, баска документлер де бериледи, айтпага, уьйдинъ турган ерининъ аьлине коьре планы, топографиялык карта, байырлыкты коьрсеткен шайытлама.