Ызгы заманларда, биревге де ясыртын тувыл, коьп аьдемлер акшаларын алдырып, оьзлерине зарар келтиртедилер. Сондай аьллерге калувда аьдемлердинъ оьз куьналери де болады.

Акша урлайтаган кыянатшылар аьдемлерди телефон аркалы алдатадылар. Олардынъ коьбиси банк куллыкшысы болып телефон номеринъизге тел согадылар. Сизге таныс болмаган номерден тел согып, банк куллыкшысы болып соьйлеп баслаганлай ок, телефонды салып, кайтадан оьзинъиз банкка тел соксанъыз, кавыфсызлыксыз болар. Социаллык тармаклардагы билдируьвлер де акша алдырувдынъ себеплерининъ бириси болады. Сол тармаклардагы «дослар» болып, акша тилейтаганлар да боладылар. Акшады картада кулланатаган аьдемлерге сак болмага керек болады. Уьшинши аьдемлерге оьзинъиздинъ акынъызда билдируьвлерди берменъиз эм банк картанъызга байлы телефонды каравсыз калдырманъыз.