Сизди баьри де бирдей суьетаган, балалар да, уьйкенлер де куьтетаган байрамы – Билимлер куьни мен ак юректен кутлайман. Бас деп кутлагым келеди биринши класс окувшыларын: олар уьшин 1-нши сентябрь куьнинде янъы яркын яшавга йол алув, янъы етисуьвлерге ниетленип мектеб йылларга кирисуьв мен байланыста биринши мектеб занъы согылаяк.

1-нши сентябрь – баьрининъ де юреклери коьтеринъки коьнъил мен бийленген куьн: келеектеги выпускниклер уьшин – куьтуьвлерге эм сенимлерге толы, баьри окувшылар уьшин – коьптен куьткен йолыгыслар.

1-нши сентябрь куьни шынтысы ман да – ортак байрам: оны юректеги суьйиниши мен йолыгадылар балалар да, уьйкенлер де. Эм бу затта бир аьлеметлик те йок, неге десе аьдем кайдай бийикликлерге етисип, кайдай етимислер казанса да, оларга етисуьвге йол мектебтен басланган.
Айырым разылык соьзлер айтпага суьемен окытувшыларга, класс етекшилерине. Сизинъ кеспи усталыгынъыз, бай сулыбынъыз, оьз аьрекетинъизде аьлиги окув йосык-йорыкларын усташа кулланув ман ис белсенлигинъиз – билим тармак оьрленуьвининъ негизи.
Аявлы окувшылар! Янъы окув йылы сизге терен билимлер, кызыклы ашувлар, яратувшылык пан каьрлев суьйинишин аькелсин. Актарып тергелмегенди билмеге шалысынъыз, буьгуьнлерде билимлендируьв яшавда етисилетаган уьстинликтинъ негизи экенин эсинъизде сакланъыз.
Сыйлы окытувшылар! Сизге кеспи усталыгынъыз артканды, зейинли эм разы болган тербияланувшыларды, а окувшылардынъ ата-аналарына оьз балаларынынъ уьстинликлерине тез-тез суьйингенди, олардынъ етимислери мен оьктемсигенди йорайман.
Янъы окув йылында сизге – тек ийгиликлер!
М.Аджеков, «Ногайский район» МР администрациясынынъ аькимбасы.