Газетамызда эртеректе билдирилгенлей, 10-11-нши сентябрь куьнлеринде Ногай районынынъ Терекли-Мектеб авылынынъ 7-нши эм Орта-Тоьбе авылынынъ 10-ншы номерли сайлав участокларында белгиленген муниципаллык образованиелерининъ Депуталар йыйынларына депутатларды сайлав бойынша тавыславлар болып оьткен.

Бу болып озган сайлавлардынъ сырагылары бойынша Ногай район сайлав комиссиясы тоьмендеги билдируьвлерди йиберген.
Быйылдынъ 11-нши–12-нши сентябринде Терекли-Мектеб округ сайлав комиссиясы «село Терекли-Мектеб» СП МО Депутатлар йыйынына сайлавлардынъ сырагылары бойынша кандидат Батырхан Сергеевич Бийболатов уьшин сайлавларда катнаскан 144 сайлавшылар, кандидат Марат Избуллаевич Кулунчаков уьшин 268 сайлавшылар тавысларын бергенлери акында билдирген.
Сол ок куьн Орта-Тоьбе округ сайлав комиссиясы «сельсовет Ортатюбинский» СП МО Депутатлар йыйынына кандидатлар Тахир Русланович Аджиев уьшин – 6, Каирбек Кайтувович Дуйсакаев уьшин – 26, Ренат Шерфадинович Салыкаев уьшин – 33 сайлавшылар тавыслаганы акында протокол туьзген.