Дагестан Республикасында авылхозяйстволык перечень юритуьв исининъ сырагылары келтириледи. Сондай билдируьв республика Оькиметининъ Председатели Абдулмуслим Абдулмуслимовтынъ патшалык статистикасынынъ Федераллык службасынынъ етекшисининъ орынбасары Константин Лайкам ман йолыгысында айтылды.

Авылхозяйстволык перечень юритуьв иси озган йылдынъ сары тамбыз айынынъ 1-нши куьниннен алып 30-ншы куьнине дейим оьтти, онынъ сырагылары аьлиге дейим келтириледи. Сол истинъ барысында 1406 авылхозяйстволык организациялары, 3813 эгинши (фермер) хозяйстволар эм байыр предпринимательлер, 419923 байыр гражданлар хозяйстволары, 184 коммерциялык тувыл биригуьвлер бойынша билдируьвлер йыйналган деп айтты ДР бойынша патшалык статистикасынынъ Федераллык службасынынъ территориаллык органынынъ етекшиси Айганат Эфендиева.