Ногай районынынъ прокуратурасы миллет проектлердинъ яшавга шыгарылувын дайымлык тергеви астында тутады.

Соны ман, 2021-нши йылдынъ 21-нши июнинде «Маданият» миллет проектининъ «Культурная среда» федераллык проектининъ шараларын яшавга шыгарув ман байланыста ДР-нынъ «Ногайский район» МР администрациясынынъ «Капиталлык курылыс боьлиги» МКУ эм «Спецпромстрой» ООО ара Ногай районынынъ Куьнбатар авылында 300 орынга эсапланып маданият уьйин курув бойынша муниципаллык контракт беркитилген.
Беркитилген келисуьвдинъ шартлары ман келисте подрядчик куллыкты 2021-нши йылдынъ 25-нши декабриннен кеш калдырмай тамамламага соьз берген.
Сога карамастан, прокуратура подрядчик куьз-кыс болжалында ийги тувыл ава шартлары ман байланыста куллыкты заманы ман толтырмаска болаягына эс каратув керегин белгиледи.
Соны ман байланыста, Ногай район прокуратурасынынъ пресс-релизинде билдирилгенлей, прокурор подрядчикти, закон бузылмай, курылыс ислер заманында эм сапатлы озгарылувы уьшин яваплылык тутылмага керегин эсине салды.