Ногай районында йолларга асфальт тоьсев иси тамамланган. Соны ман, «Меним Дагестаным, меним йолларым» программа бойынша район орталыгы Терекли-Мектебтинъ Северная, Садовая, Муса Курманалиев, Иса Капаев эм Батыров атындагы орамлар йолларына асфальт тоьселген. Садовая орамнан баскалары – транзит йоллар: муннан коьп коьликлер оьтеди, аьдемлер юрислери де аз тувыл. Северная, Суюн Капаев эм Батыров атындагы орамлар, транзит йолынынъ муьйислеринде орынласып, Эдиге атындагы орталык орамы ман бирдей болып кулланыладылар. Муса Курманалиев атындагы орамды Алимхан Асанов эм Гамзат Аджигельдиев атындагы орталык орамлардагы юристи енъиллетуьв уьшин эки як юрисли этпеге планлайдылар. Садовая орамы – стадион эм кайбир оькимет учреждениелер касында, сонынъ уьшин бу ерлерде коьп аьдемлер юриси орын табады.
Баьриси район орталыгы Терекли-Мектеб орамларына 2 шакырым асфальт йоллары тоьселген, бу куллыклардынъ ортак смета бойынша баасы – 16 миллион маьнет акша.