Ногай район администрациясында «Ногайский район» МР Депутатлар йыйынынынъ 53-нши сесссиясы болып оьтти.

Сессияда район Депутатлар йыйынынынъ председатели Рустам Байманбетов, район аькимбасы Джамалутдин Эсиргепов, онынъ орынбасары Хамидулла Саитов, район депутатлары, бир неше авыл аькимбаслары, баска етекшилер катнастылар.
Район депутатлары «2022-нши йылга эм план кезегиндеги 2023-2024-нши йылларга «Ногайский район» МР бюджетине туьрленислер киргистуьв акында» эм «Ногай район еринде орынласкан эм коьшимли малшылык ерлерининъ санына киретаган ерлер мен байланыслы соравларды шешуьвдинъ йорыгын излев акында» деген эки соравды ойласып карадылар.
Биринши сорав бойынша «Ногайский район» МР финанс боьлиги» МКУ етекшисининъ орынбасары Зухра Адиева шыгып соьйледи. Экинши сорав ман байланыста район Депутатлар йыйынынынъ председатели Рустам Байманбетов, район аькимбасы Джамалутдин Эсиргепов, «Бирлик» район ямагат организациясынынъ председатели Саид Сатыров оьз ойларын айттылар.
Район депутатлары ойласылган соравлар бойынша тийисли карарларды кабыл эттилер.
Сессиядынъ акында газетамыздынъ сайтында окымага боласыз.
Бизим хабаршы.
Суьвретте: сессияда Зухра Адиева шыгып соьйлейди.