Аьр бир аьдемнинъ бас борышы – вакцинацияды заманында оьткеруьв исинде катнасув. Буьгуьнлерде яман коронавируслы мараз савлай дуныядынъ тынышлыгын бузып, парахат турмага амал бермейди. Сол коронавируслы инфекциясы ман куьресуьвде биз баьримиз де катнаспага керекпиз.

Мен коронавирус пан авырмадым, болса да вакцинация алмага токтастым. Вакцинады алувымнынъ энъ де биринши себеби – аьелимнинъ, ис йолдасларымнынъ, тоьгеректегилеримнинъ кавыфсызлыгын ойладым. Мен оьзим театрда ислеймен, мага каравшылар ман, театр артистлери мен катыспага туьседи. Мен оларга маразды юктырып коймайым, оьзим де авырмайым деп вакцинады алмага токтастым. Вакцина алганнан сонъ, оьзимди ийги этип сеземен, авырмадым.
Баьрисин де вакцина алмага шакыраман, неге десе тек сондай амалды алып, маразды енъип боламыз.
Р.Шабанова, Ногай драмалык театрынынъ адабиат яктан етекшиси.