Дагестан Республикасыннан, ОНФ билдиргенлей, 14 аьдем «Путиннинъ командасы» баргысынынъ катнасувшылары болдылар. Ол Федераллык Халк Фронтынынъ баславы ман Элимиздинъ онъайлыгы уьшин, кавыфлыкка карамастан, белсенли ислеген эм ислейтаганлардынъ кыйынын белгилев уьшин токтастырылган.

– Баргыга, оьз яшавын аямай, баьле-казага туьскен аьдемлерге коьмек эткен бизим заманнынъ йигитлери, СВО-да оьзлерин коьрсеткен аьскершилер, окытувшылар, врачлар эм, кыйынын аямастай, оьз ягыннан коьмегин тийгисткенлер тийисли болдылар, – деп хабарлады Дагестанда Халк Фронтынынъ региональлик исполкомынынъ председатели Джамалудин Шигабудинов.
Солардынъ арасында Ногай район яшавшысы, фермер Мурзадин Карамурзаев сол баргыга тийисли болганын юрек суьйиниши мен билдиремиз.
«Шоьл тавысы» республикалык газетасы бизим ердесимизди ак юректен кутлайды эм ога ис аьрекетинде тагы да бийик уьстинликлерди йорайды.