Туьнегуьн, кырк кийик айынынъ 16-ншы куьнинде «Ногайский район» МР администрациясынынъ меканында тезден Россия Федерациясынынъ Федераллык Йыйынынынъ Государстволык Думасына депутатларды сайлавларда «Единая Россия» политикалык партиясыннан ортакшылык этеек кандидат Бийсултан Хамзаев Ногай район активи мен йолыгысты.

Ногай район орталыгында Россия Федерациясынынъ Федераллык Йыйынынынъ Государстволык Думасына депутатка кандидат Бийсултан Хамзаев пен уйгынлы аьлде оьтти. Ол оьзи етекшилейтаган «Трезвая Россия» проекти бойынша (сол уйгынланганы 9 йыл болады) этилген куллыклары акында эм элимиздинъ оьрленуьви уьшин аьли де кайдай куллыклар этпеге ниетленетаганы акында айтып озды. Йыйыннынъ барысында оьз йоравларын «Шоьл тавысы» республикалык газетасынынъ бас редакторы Эльмира Кожаева, «Ногайский район» МР администрациясындагы ямагат палатасынынъ председатели Эльмурза Саитов, Ногай патшалык оркестрининъ етекшиси Бекмурза Кудайбердиев, 2-нши номерли Балалар-оьспир спорт мектебининъ етекшиси Камиль Бекмурзаев айтып кеттилер.
Экинши йолыгыс Нариман авыл орта мектебинде озды. Мунда да ол окытувшылардынъ берген соравларына явап берди.
Г.Сагиндикова.
Суьвретте: йолыгыс аьсеринде.