Биз билетаган кепте, Донбасс халк республикаларындагы, Херсон эм Запорожье областьлериндеги яшавшылардынъ референдумлары болып оьттилер. Савлайхалклык тавыс беруьвлери сырагысында солардынъ яшавшылары Россия сырасына кирмеге деп ойларын билдирдилер.

30-ншы сентябрь куьн бизим патшалык тарихинде бу белгиленген республикаларды эм областьлерди элимиздинъ сырасына алув ман байланыслы шатлыклы оьзгериси болды. Сол куьн РФ Президенти Владимир Путин Донецк Халк Республикасын, Луганск Халк Республикасын, Запорожье эм Херсон областьлерин Россия санына алув акында келисуьвлерге колын басты. Эндигиси олар бизим уллы эм коьп миллетли элимиздинъ бузылмас эм айырылмас кесеги боладылар.
– Олар бизи мен дайымга боладылар. Аь биз бирге уьйкен куьш боламыз. Ол бизим ортак енъуьв эм бизим ортак оьктемимиз болады. Бу регионларда татымлык яшавын аяк уьстине салув уьшин коьп ислер этилинмеге керек эм биз соларды биргелесип этермиз. Ога эш бир шек те йок, – деди сол куьн Россия халкына этилинген шакырувында Россия Президенти Владимир Путин.

А.Култаев,
Дагестаннынъ халк шаири.