Бала баьрине де ортак. Саьбийлердинъ уьстинликлерине куьезленип турамыз, аьр бир инсаннынъ сол зат – яшавынынъ маьнеси. Соьйтип, Эльбике Ирмияевадынъ биринши енъуьвине онынъ баьри кардаш-тувганлары да суьйиндилер. Талаплы кызалак Терекли-Мектеб авыл орта мектебининъ А-Х.Джанибеков атындагы мектебининъ 4-нши классынынъ окувшысы. Эльбикединъ биринши окытувшысы Беризат Кошманбет кызы Кулушева окувшыларына тек билим берип калмай, оларга яшавда аьдемшиликти, аьдилликти, ийгиликти биринши орынга салып яшамага керек деп уьйретеди.

Эльбике эсап сабагын бек суьеди, ога бек кызыклы санамага. Ол ясамага да суьеди, суьвретлеринде табиаттынъ ярасыклыгын, йыл шакларынынъ туьрлилигин суьвретлейди. Янъыларда Эльбике Савлайроссиялык «Куьн ярыгы» интернет-олимпиадасында катнасып, эсап сабагы бойынша биринши орынга тийисли болды.
Келеекте талаплы кызды аьли де коьп уьстинликлер куьтеди деп шекленмеймиз. Оьскен заманда оьзининъ янына якын кеспиди сайлап, халкымыздынъ данъклы кызы болсын деп йорайман.

Г.Бекмуратова. Суьвретте: Э.Ирмияева биринши окытувшысы ман.