Конъысы Тарумов ра- йонынынъ авыллар ара орталык китапханасында, белгили Дагестан язувшысы Фазу Алиевадынъ 90 йыллыгына багысланып, «Мине, кызым… Эрге шыгасынъ!» деп аталып, «Тарумовка районы» МР-нынъ Хатын-кызлар советининъ баславы ман тоьгерек стол озгарылды. Онынъ исинде туьрли кеспили, туьрли миллетли, туьрли йылларда аьел курып, яшав оьмирин бардыратаган кыскаяклылар ортакшылык эттилер.

Белгилев керек, тоьгерек стол катнасувшылары – ол яс кызлар, аьел курган ян косаклар ваькиллери эм келинлер. Олар аьелде кыскаяклыдынъ туткан орыны, анадынъ берген насихат соьзлери акында айттылар, аьелде яшав сулыбы ман боьлистилер.