Дагестан Аькимбасы Сергей Меликов имам Шамильдинъ белгили наиби Хаджи-Мураттынъ эм баска дагестан аьскершилерининъ суьеклерин соларды тийисли йорыгы ман коьмуьв уьшин тувган ерине кайтарув акында соравды коьтерген.

Янъыларда республика етекшиси бу соравды шешуьв мен байланыста оьзининъ тапшырмасын берген. Сонынъ уьстинде Дагестан Республикасынынъ Ямагат палатасынынъ председателининъ басшылыгы ман айырым ис туьркими аьрекетин юритеек.
Бу иске соны ман бирге Дагестан Республикасынынъ патшалык секретари Магомед-Султан Магомедов, республикадынъ Миллет политикасы эм дин ислери бойынша министерствосынынъ ваькиллери эм баска ямагат аьрекетшилери де кирисееклер.
«Бу сондай маьнели соравга дагестан ямагатшылары эс бергенлер эм мен, элбетте, олардынъ сондай ой-ниетин толысынша колтыклайман. Бу ягыннан куллык аьли басланган эм биз соны ызына дейим еткермеге мырат этемиз. Дагестан аьскершилерининъ суьеклери баьри де дин аьдет-йорыклары бойынша тувган еринде койылмага керек боладылар», – деп билдирген оьз ойын Сергей Меликов.