Дагестан Республикасынынъ Язувшылар союзынынъ секретари, белгили ногай шаири Анварбек Култаев Бабаюрт районынынъ Геметоьбе авылында Токиодагы олимпиада ойынларынынъ бокс бойынша чемпионы Альберт Батыргазиев пен йолыгысты, онынъ ата-анасы, тенъ-дослары эм ювыклары ман хабарласты.

Шаир чемпионга багыслап язган ятлавын авыл яшавшыларына ногайша эм орысша окыды, сонъ «Исповедь сына Ногайстана» деп аталган оьзининъ китабин савгалады, геметоьбешилер оьз ягыннан А.Култаевке разылык билдирип, болатаган болса, сосы данъклы ясымыз акында бир дестан язбага болмай ма экен деп, маслагат коьтердилер, конак-шаир бу сорав уьстинде оьзи ойласатаганы эм авылшылар тилеклерин толтырмага соьз де берди.
Бизим хабаршы.
Суьвретте: ногай шаири Анвар-Бек Култаев Олимпиада чемпионы Альберт Батыргазиев пен.