Энъ де ювык эм аявлы аьдемлер – аналарга багысланган, энъ де йылы байрам – ол Ана куьни. Ана суьйиминнен йогары эм куьшли зат йок. Онынъ юреги дайым баласында. Ана суьйинеди аьвлетининъ уьстинликлерине, кыйын заманда оны коьтергишлемеге шалысады.

Янъыларда «Ногайский район» МР администрациясында Ана куьнине багысланып озгарылган шарада балаларды тербиялаганы эм исиндеги уьстинликлери уьшин коьп балалы аналар Сый грамоталар ман савгаландылар. Белгиленген шара район Хатын-кызлар советининъ белсенли катнасувы ман озды.
Шарады «Ногайский район» МР администрациясынынъ аькимбасынынъ орынбасары Хамидулла Саитов ашты, ол мунда йыйылган аналарды Ногай район аькимбасы Мухтарбий Аджековтынъ атыннан кутлады. Солай ок Хамидулла Абдулвагапович Ногай районында балаларымыз уьшин салынган эм салынаяк янъы мектеблер, балалар бавлары эм баска коьп этилинген эм ниетленген ийги куллыклар акында айтып озды.
Тагы да мунда йыйылган хатынларды «Ногайский район» МР-да Ямагат палатасынынъ председатели Эльмурза Саитов кутлады.
Аьзиз аналарга багысланган юрек соьзлерин район Хатын-кызлар советининъ председатели Асият Манкаева да айтты.
Асият Бадиевна аьр бир мунда келген хатын-ана акында кыскаша айтып озды. Солардынъ сырасында Эрклик ордени мен савгаланган Замир Акмурзаевтинъ (оьлгеннен сонъ) анасы Р.Акмурзаева, ЕГЭ сынавларды оьткенде 100 балл алган окувшы кызлар Айсель Кокурова эм Алина Кусеповадынъ аналары, «кызыл зонада» аьрекетлеген врач Солтанат Отовалиева эм баскалар.
Буьгуьнги шарада С.Батыров атындагы саниятлар мектебининъ окувшысы халклар ара музыка-хореографиялык конкурсларынынъ лауреаты Азиза Межитова юреклерге етип йыр йырлады.
Хатын-аналарга каратылган йылы йоравларын С.Батыров атындагы саниятлар мектебининъ етекшиси А.Аджибаев, ДР Язувшылар союзынынъ агзасы Салимет Майлыбаева, Кадрия атындагы орта мектебининъ ана тилининъ окытувшысы Мархаба Мансурова эм баскалар айттылар.
Н.Кожаева.
Суьвретте: шара катна