2019-ншы йылдынъ ызгы куьнлеринде сав дуныяды бийлеп баслаган, 2020-ншы йылда болса, бизим Россия элимизде де, ялын оттай яйылган, коронавируслы маразы коьп ерлерде оьз йорыкларын салып, туьрленислер этпеге талаплады.
Сол мараздынъ яйылувы ман байланыслы болып, Россия Федерациясынынъ Президентининъ «О временных мерах по урегулированию правового положения иностранных граждан и лиц без гражданства в Российской Федерации в связи с угрозой дальнейшего распространения новой коронавирусной инфекции» деген Указына 2020-ншы йылдынъ карагыс айынынъ 15-нши куьнинде 791-нши номерли Указы ман туьрленислер киритилгенлер.
Баслап кабыл этилинип алынган РФ Президентининъ Указына коьре, шет эллердинъ гражданларына Россия Федерациясынынъ япсарларында яшав болжалы, коронавируслы мараздынъ кенъ яйылувы ман байланыста, 2020-ншы йылдынъ навруз айынынъ 15-нши куьниннен алып 2021-нши йылдынъ тамбыз айынынъ 15-нши куьнине дейим созылган эди. Аьли сол Указга киритилген туьрленислер бойынша, шет эллердинъ гражданларына сол болжалды кемитпеге туьседи. Сога коьре, шет эллердинъ гражданларына кесек заманга Россия элинде яшамага берилген ыхтыяр (документ бойынша 2020-ншы йылдынъ навруз айынынъ 15-нши куьниннен алып 2021-нши йылдынъ тамбыз айынынъ 15-нши куьнине дейим ыхтыяр бар болган болса да) болжалы оьткен деп саналады. Патшалык программалар бойынша ис аьрекетти бардыратаган шет эллердинъ гражданларына да тутпага керек йорыклар бар. Коронавируслы мараздынъ кенъ яйылган заманында тутылмага керек йорыкларга киритилген туьрленислер буьгуьнлерде де янъыртылдылар.
Россия Федерациясында шет эллердинъ гражданлары ис аьрекетин бардыратаган болса, олар айтылган элдинъ япсарларында яшамага алган ыхтыярлары уьстимиздеги йылдынъ тамбыз айынынъ 15-нши куьнине дейим болган болса да, яшар болжалын созбага аьризе бермеге боладылар.
Шет эллердинъ гражданларын куллыкка алган аьдемлер де оьзлерининъ ис йолдасларынынъ ден савлыгы акында ойлап, тийисли йорыкларды тутпага кереклер.
Н.Каракаев,
Ногай районы бойынша Россия МВД боьлигининъ начальниги полиция подполковниги.
