Дагестан Республикасынынъ Ногай районында аьлди ийгилендирер эм законга карсы миграция ман куьресуьв ниет пен уьстимиздеги йылдынъ тамбыз айынынъ 16-ншы куьниннен алып 25-нши куьнине дейим «Нелегальный мигрант» деп аталган ведомстволар ара шара озгарылады.

Бу шарадынъ бас мырады – законга карсы Ногай районымызга келип, ис аьрекетин бардыратаган шет эллердинъ гражданларын аянлав болады. Эсинъизге саламыз, эгер шет эллердинъ гражданлары Россия Федерациясында ис аьрекетин бардырмага суьйсе, ол миграционлык законодательствога коьре, тийисли документлерди аьзирлемеге керек болады. Сол озгарылатаган шара ишинде биз канагатлайтаган япсарга баьри келген эм кеткен йолавшылар тергеледилер. Эгер шет эллердинъ гражданлары Россия Федерациясынынъ япсарларында тийисли йорыкларды тутпай, оьз аьрекетлерин бардыратаганын билетаган болсанъыз, 8-256-21-4-78 номерли сеним телефонына тел сокпага боласыз.

Г.Картакаева,
Ногай районы бойынша ОМВД-сынынъ МП начальниги полиция майоры.