Оьткен юма, 17, 18 эм 19-ншы сентябрь куьнлеринде, элимизде Россия Федерациясынынъ Федераллык Йыйынынынъ Государстволык Думасына, Дагестан Республикасынынъ Халк Йыйынына эм ерли муниципалитетлерининъ йыйынларына депутатларды сайлавлар уйгынлы кепте оьттилер. Шара патшалыгымыз бойынша бу йылдынъ энъ маьнели ямагат-политикалык оьзгериси болып саналады.

Савлайхалклык та- выславдынъ сырагысында Россия Федерациясы бойынша РФ Государстволык Думасына оьткен политикалык партияларынынъ орынлары, баслапкы билдируьвлерге коьре, булай кепте орынласкан:
«Единая Россия» 49,83 %
КПРФ – 18, 94 %
ЛДПР – 7,51 %
«Справедливая Россия – Патриоты России – За правду» – 7,47 «Новые люди» – 5,33 %
Соны ман бирге Дагестан Республикасынынъ Халк Йыйынына тавыславлардынъ тамамлары бойынша 3 политикалык партиялары тийисли оьлшемди оьткенлер: «Единая Россия» партиясы – 73,74 %, «Справедливая Россия – Патриоты России – За правду» партиясы – 12,71 % эм КПРФ – 11,62 %.
Ногай район территориаллык сайлав комиссиясынынъ председателининъ куллыгын кесек заманга юритуьвши Мурзабек Бальгишиевтинъ билдируьв- лерине коьре, район сайлавшылары РФ ФС Государстволык Думасынынъ депутатларына кандидатларын атаган политикалык партияларына оьз тавысларын булай кепте бергенлер: «Единая Россия» партиясына – 3478 тавыс, КПРФ – 2716, «Справедливая Россия – Патриоты России – За правду» – 253, «Новые люди» – 195, «Российская партия свободы и справедливости» – 120, «Коммунистическая партия «Коммунисты России» – 117, «Партия пенсионеров» – 78, ЛДПР – 58, «Российская экологическая партия «Зеленые» – 22, «Родина» – 15, «Зеленая альтернатива» – 15, «Яблоко» – 10, «Партия Роста» – 10, «Гражданская платформа» – 7 тавыс .
Соны ман бирге ДР Халк Йыйынынынъ депутатларына кандидатларын атаган политикалык партияларын Ногай район сайлавшылары булай кепте сайлаганлар: «Единая Россия» – 3357 тавыс, КПРФ – 2960, «Справедливая Россия – Патриоты России – За правду» – 548, ЛДПР – 90, «Партия Роста» – 51 тавыс.
Дагестан Республикасынынъ 10-ншы бир мандатлы Сырт сайлав округы бойынша РФ ФС Государстволык Думасынынъ депутатларына кандидатлар уьшин Ногай район сайлавшылары тоьмендеги кепте тавысларын бергенлер: Мурзадин Авезовка – 4714 тавыс, Абдулхаким Гаджиевке – 1804, Рашид Яниковка – 95, Ирина Дибировага – 58, Курбан Рамазановка – 49, Шахнаваз Гусейновка – 41, Вагид Девлетхановка – 34, Мурат Пайзулаевке – 34, Владимир Телиховка – 29 тавыс.
Баьриси сайлавлар алдында Ногай районы бойынша 13700 сайлавшылар барлыгы белгиленген. Сайлавлар куьн- леринде 7006 район сайлавшылары тавысларын бергенлер яде ол баьри район сайлавшылардынъ 52-ге ювык проценти болады.
М.Юнусов.