«Сайлавда оьз карасын, ойын коьрсетип тавысын беруьв – элимиздинъ аьр бир гражданынынъ борышы.

Бу йылдынъ кырк кийик айынынъ 18-нши куьнинде мен Нариман авылында ерлескен № 1190 сайлав участогында оьз тавысымды бердим. Сайлав участогында санитарлык коршаланув бойынша баьри амаллары да тутылганлар, ямагат коьз салувшылар сайлавдынъ таза эм аьдиллик пен оьтуьвин талаплайдылар. Буьгуьн- лерде биз элимиздинъ, регионымыздынъ келеектегиси уьшин тавысымызды беремиз. Аьр биримиз белсенли гражданин болып, оьз элимиздинъ бактысы акында тереннен ойлап, борышымызды толтырмага тийислимиз. Нариман авылынынъ яшавшылары да гражданлык карасын, ойын коьрсетип, оьз тавысын сенген аьдемлери уьшин бердилер. Неге десе сайлавшылар сайлаган депутатлар келеек йыллар ишинде элимизге керекли законларды яшавга шыгараяклар. Элимиздинъ, регионымыздынъ, районымыздынъ яшав сапаты, гражданлардынъ материаллык онъайлыгы ийги болаягына сенемен», – деди Нариман авылынынъ А.Асанов атындагы орта мектебининъ етекшиси Джамалудин Айнадин увылы Эсиргепов.
Суьвретте: Д.Эсиргепов.