Савлай Россия яшавшылары буьгуьнлерде йигитлерин Аталыкты коршаламага йолга саладылар. Бизим авылымыздан да яслар кардаш халкымыз – Донбасс яшавшыларын кир ниетли нацистлерден босатпага йолландылар. Бизим мектебимиздинъ выпускниклери авылымыздынъ, элимиздинъ намысын ерге туьсирмей, оьз борышларын толтырар деп сенемиз.

Биз кыйынлы, ама тарихли заманда яшаймыз. Бизим окувшылар Украина еринде специальли согыс операциясында катнасатаган аьскершилерге хатлар язадылар, суьвретлер ясап йибередилер. Уллы Аталык согысы биткенли 77 йыл озды, сол заман бизим баьтирше согыскан аталарымыз бан енъилген фашизм буьгуьнлерде басын коьтерип туры. Сол зат болмас! Бизим аьскершилер фашизмнен тек кардаш украин халкын тувыл, савлай дуныяды босатар деп шекленмеймиз.
Мен баьри ясларга да яхшы йол айтаман. Исинъиз онъ экенин билинъиз. Кардаш-тувганларга шыдамлык, сизге берк ден савлык эм уьйге аман-эсен кайтып келгенди йорайман.
Буьгуьнлерде биз йигерли баьтирлеримизди йолга салдык. Олар тез арада бизим арамызга кайтып келгенин ак юректен сагынаман.
С.Межитова,
Орта-Тоьбе авыл орта мектебининъ директоры, РФ ортак билимлендируьвдинъ сыйлы куллыкшысы.