Ногай район орманлык хозяйствосынынъ куллыкшылары ман, Уллы Аталык согысынынъ ветеранларынынъ, катнасувшыларынынъ эстелигине багыслап, эстелик бавын олтыртув акциясы озгарылды. Акция барысында Ногай районымыздынъ орталыгындагы учреждениелериннен кыркка ювык куллыкшылары ортакшылык эттилер.

Уллы Аталык согысынынъ катнасувшысынынъ эм ветеранынынъ эстелигине акциядынъ багысланувы босына тувыл.
Ногай районымыздан Уллы Аталык согысында эки мынънан артык аьскерши катнаскан, ама артына кайтканлар саны айлак аз, коьп дегени бес юзден артык. Элдинъ келеектегиси, ярык яшавы уьшин янын бергенлердинъ, сонъ кайтып келип, оьрленуьвине оьз косымын эткен аьдемлеримизге багысланган акция уьстинликли озгарылды демеге боламыз. Сол тереклер олтыртылмага деп белгиленген ерге бир мынънан артык емис тереклери шашылдылар. Бир-эки йылдан сол тереклер оьсип, буьрленип, янъы яшавдынъ барувын коьрсетерлер. Болса да, атайларымыздынъ Уллы Аталык согысында катнасып, Уллы Енъуьвге коскан уьлислери бизге, бизден сонъгы несиллерге асабалык болып калады. Бирев де мутылмаган, бир зат та мутылмаган!
Г.Курганова.
Суьвретте: «Эстелик бавы» акция катнасувшылары.