2021-нши йылдынъ навруз айынынъ 21-нши куьнине Ногай ЦРБ-да коронавируслы юкпалы маразлыларды эмлев уьшин курылган госпитальде 3 аьдем эмленеди. Авырыганлар больницага туьскендей болса деп, 5 ятар орын аьзирленген.

Навруз айынынъ 15-нши куьниннен 21-нши куьнине дейим коронавируслы юкпалы маразлы деп шек алынган 2 аьдем больницага туьскен. Сол юмадынъ ишинде эки аьдем эмленип больницадан уьйине кайткан. Коронавируслы маразлы 6 аьдем уьйинде эмленеди. Пандемия басланганнан бери 701 аьдем covid-19 маразы ман авырыган.

Ногай районында коронавируслы юкпалы маразына карсы вакцинация 200 аьдемге этилинген, прививкадынъ экинши кезегин 90 аьдем оьткен.