Ногай район орталык больницасынынъ бас врачы Фаризат Межитовадынъ белгилевине коьре, увыт айынынъ 1-нши куьнинде Ногай район орталык больницасында коронавирус маразыннан вакцинациялавдынъ биринши кезеги басланды.

Ол аьдемлерди вакцинация этпеге айырувда биринши аьзирлик коьруьв кезеги болады. Иммуноглобулинлерди аянлав уьшин 200 аьдемнен кан алынган. Солардынъ ишине ыхтыярды саклав органларынынъ 126 куллыкшылары, 16 педагоглар, Ногай район администрациясынынъ 3 ис аьрекетшилери, 18 медициналык куллыкшылары эм баска болып район яшавшылары арасыннан да оьз ыхтыяры ман келгенлер киргенлер.
Анализлер Республикалык кан куюв станциясына йиберилгенлер. Эки куьн ишинде яваплар аьзир болаяклар. Бу юмадынъ сонъында антитела анализлердинъ тамамларын алув бойынша, вакцинация басланады. Эгер канда антитела йок деп коьрсетилсе, вакцинация этилинеек.
Вакцинациядынъ пункты районнынъ орталык поликлиникасында ерлескен. Онда вакцинациядынъ баьри кезеклерин де оьтуьвге аьллер туьзилгенлер.