Вадим Трепавлов Татарстан Республикасынынъ Илми Академиясынынъ Ш.Марджани атындагы тарих институтынынъ сыйлы докторы эди. Онынъ илми эм яшав йолы оьз Аталыгына намыслы кепте куллык этуьвдинъ таза уьлгиси болады.
Казаньде Вадим Винцеровичтинъ бир неше монографиялык ислерин аьзирлевге эткен уьлисин уьйкен йылувлык эм разылык пан эскередилер. Татарлар эм коьп миллетли Россиядынъ баска халкларынынъ тарихлерининъ соравлары бойынша Вадим Трепавловтынъ Казаньде оьткен туьрли конференцияларда шыгып соьйлевлери бизим эслеримизде дайымга сакланар. Ол – Поволжье, Сибирь, Сырт Кавказ, Орталык Азия халкларынынъ, Россия эсабына олардынъ эм регионлардынъ кируьви акында тарихлерининъ туьрли маьселелери бойынша 20-дан артык монографиялардынъ эм юзлеген илми макалалардынъ авторы Ш.Марджани атындагы тарих институтынынъ коллективи Вадим Винцерович Трепавловтынъ кардаш-ювыкларына каты кайгырувын билдиреди. Айтувлы аьлим, ийги эм интеллигентли аьдем Вадим Винцерович акында эстелик бизим юреклеримизде оьмирлерге сакланар.