Коммунаркада 40-ншы номерли больницасынынъ бас врачы Денис Проценко оьз хабарласувында коронавирус пан узак заман авырыган аьдемлер эки айга дейим аьдетиндеги яшавга келип болмайдылар деп айтты. Узак заман авырыган аьдем тез арыйды, онда коркув, ашувланув эм сондай баска сезимлери болады.

Бас врачынынъ айтувына коьре, медицина куллыкшыларынынъ биринши борышы – аьдемлерде мараз айлак авыр оьтпегенин канагатлав. Ол коронавируслы инфекцияды токтатувдынъ биринши амалы – вакцинация.
Денис Проценко элимиздинъ яшавшыларын яваплылык тутып, тоьгеректеги аьдемлерди сыйламага шакырды.