Навруз айынынъ 19-ншы куьнинде Ямало-Ненец автоном округындагы Новый Уренгой каласында орынласкан Миллет маданиятлар Орталыгында Навруз байрамына багысланган уьйкен концерти уйгынланып озды.

Амалламады ногай миллет маданият автономиясы уйгынлаган эди. Олар концертке каладынъ коьп миллетли ямагатшылыгын шакырдылар. Байрам амалламасында коьплеген йырлавшылар, биювшилер ортакшылык эттилер. Олардынъ арасында ногай ердеслеримиз де бар эдилер. Соьйтип, концертке «Октябрь» маданият уьйининъ йырлавшысы Ибрагим Карасов та оьз косымын этти. Ол йыйылганларды ювыклап келеятырган Навруз байрам ман кутлады эм йоравларын айтып, оьз оьнершилигин савгалады. Амалламадынъ барысында йыйылган аьдемлерди сукландырып, ногай йырлар занъырадылар, аьлемет миллет биювлер коьрсетилдилер.
Концерттен сонъ, каравшылар калада яшайтаган коьплеген миллетлердинъ аьдетлери эм маданияты ман танысув айлак маьнели эм керекли экенин белгиледилер. Концертке йыйылганлар уйгынлавшыларга эм ногай оьнер иелерине етимислерди сагындылар.
А.Тамакаев.
Суьвретте: шара катнасувшылары.