Коронавируслы инфекциядан прививкады мен 2021-нши йылдынъ март айында эттирдим эм эндигиси ревакцинация процедурасын оьтпеге ниетленемен. Мен, соьзсиз де, бизим официаллык медицинага сенемен, сонынъ уьшин менде вакцинацияды оьтпеге керекпе деген сорав тувмаган. Квалификациясыз билдируьв негизинде кепленген ялган шекленуьвлерге эм коркувга берилетаганлар бар экенин анълап, кайгырмай да болмайсынъ.

Мен эм меним ата-анам сол юкпалы коронавируслы инфекциялы маразыннан оьткен йыл ишинде стационарда ятув ман эмленип шыктылар. Эм эндигиси мен, олардынъ эсли ясларында экенлерин эсапка алып, аьр куьнде де, олар энди де кезекли кере авырымагай эдилер деп, кыйналып турдым. Эм мине олар меним маслагатым ман ерли эмлев учреждениеге барып, коронавируслы авырувга карсы вакцинацияды оьттилер. Сонынъ сырагысында оьз организмлеринде бир туьрленислер де сезбедилер, баьри зат парахатлыкта озды. Меним аьелиме компетентли специалистлердинъ ой-токтаслары дайым да бас орынында болганы мени бек суьйинтеди.
З.УРАЗАЕВА,
ДР Аькимбасынынъ иш политика эм ерли самоуправление органлары ман биргелесте аьрекет этуьв бойынша боьлигининъ етекшиси.