Оьрметли Дюсеин-агай!

Сизди дуныя юзине тувганлы 75 йыллык сыйлы мерекенъиз бен кутлаймыз!
Ал деп Сизге тюрк тилли халкларынынъ миллет анъламлыгын, тувган тиллерин, аьдетлерин саклавда эткен кыйынынъызга бас ийип разылыгымызды билдиремиз. Сизинъ етекшилигинъиз бен ногай адабиатымыздынъ яркын Шолпаны – Кадриядынъ мерекесин белгилев бойынша Туркия элинде уьйкен шаралар озгарылган: Кадриядынъ китаби баспаланган, Ялова шахарында шаирдинъ эстелиги ерлес- тирилген, Анкарада Кадрия акында фильм коьрсетилген. Солар ман бирге ногай халкымыздынъ маданияты ман саниятын оьрлентуьвге багысланган коьп маьнели шаралар оьткерилген.
Сизге, аявлы Дюсеин-агай, болаттай берк ден савлыкты, шугыл йылга сувындай куьш-куватты, Аскар тавдай бийик шат коьнъилди, дерия-тенъиздей дуныя бийлеген наьсипти, Уллы дала кимик созылган узак оьмир оьрисин, рагимликти, эмишликти эм коьп етимислерди йораймыз!
З.Аджибайрамов, «Ногай Эл» ФНКА Дагестан регионаллык боьлигининъ председатели, «село Терекли-Мектеб» СП МО аькимбасы.