Дагестан Аькимбасы Сергей Меликов кабыл эткен указга коьре, ДР Информация эм баспа агентствосынынъ етекшиси орынына Абдуразак Джамалутдинов салынган. Алдын ол республикадынъ Информация эм баспа министрининъ советниги болып ислейтаган эди.

– Меним борышым – яратувшылык коллективлер эм тармак куллыкшылар куллыгы уьшин тийисли аьллер туьзуьв, – дейди Джамалутдинов. Онынъ белгилеви мен, ведомстводынъ бас орынында турган борышы – куллыкшылар куллык этуьв аьллерин ийгилендируьв.
– Буьгуьнде коьлем информация амаллары тармагында куллыкшылардынъ кыйын ак оьлшеми уьйкен тувыл. Меним ойыма коьре, сол зат бу тармактынъ зейинли журналистлерининъ эм специалистлерининъ куллыктан таювынынъ себеби болады. Кыйын ак оьлшеми мен маьселе шешилсе, бас редакторларда сапатлы куллык этуьвди талапламага ыхтыяр болаяк. Соны ман бизде информациядынъ сапатлыгы эм заманында берилуьви мен байланыслы куьн аьлиндеги маьселелерин шешпеге эп болаяк. Белгилеп озайым, журналистлердинъ оьз эркли эм бойсынмаслы куллык этуьв политикасын якласам да, мунда толысынша яваплылыкты бас редактор тутады. Меним борышым – бу тармак куллыкшыларынынъ аьрекетин тийисли аьллер туьзуьв мен канагатлав, – деп белгиледи Абдуразак Джамалутдинов.