Терекли-Мектеб авылынынъ сыйлы яшавшылары!

Сизди келеяткан 2022-нши Янъы йылы ман кутлайман!
Янъы йыл ийги сенимлер эм куванышлы куьтуьвлер, янъы ислердинъ эм ниетлердинъ яшавга шыгарылувдынъ басланувы ман байланыслы болып, дайым да наьсип акында мырат пан йолыгылатаган байрам. Ол бизди ювык аьдемлеримиз бен аьллестирип, кувантады, айырым коьнъилликти савкатлайды эм баьри ой-токтасларымыз яшавга шыгарылаягына сенимликти тувдырады.
Келеяткан Янъы йылда энъ ярык мыратларымыз толсын, кызыклы проектлер эм белгиленген планлар яшавга шыгарылсын, аьеллерде дайым да парахатлык эм берекетлик болсын.
Баьринъизге де берк ден савлыкты, онъайлыкты, уьстинликлерди эм ийги коьнъилликти йорайман.
З.Аджибайрамов,
Терекли-Мектеб авыл аькимбасы.