Аявлы окувшылар эм студентлер! Сыйлы окытувшылар эм атааналар! Сизди Билимлер куьни мен ак юректен кутлайман.

Алдыда сизди куьтуьвлерге, каьр шегуьвлерге, оьзек те, окув аьрекетине толган Янъы окув йылы саклайды. Боьтен де буьгуьн биринши класс окувшылары тынышсызлы: Дагестанда быйыл олар – 55 мынънан артык. Юрек телезуьви мен буьгуьн олар яшавында биринши дериске асыгадылар. Эм биз, ясуьйкенлер, олар ман бирге кайтадан сол сезимлерге бийленемиз. Балаларга энъ сапатлы билимлер беруьв – бизим элимиздинъ бас борышы. 1-нши сентябрь куьнинде дагестан балалары уьшин 7 янъы школалар эм 10 балалар бавлары оьз эсиклерин аштылар, а быйылдынъ ызына дейим аьли де онлаган билимлендируьв учреждениелер кулланувга берилмеге планланады. Коьплеген окувшыларда алдышы технологияларды кулланувга, аьлиги дережеде окув сабакларын уьйренмеге эп тувды, а, олай деген, олар уьйкенлер яшавына кириспеге аьдеттегиден артык аьзирлер. Туьзилген
аьллер билимлер алув пайдалыгын арттыраягына сенемен. Янъы окув йылы алдында Россия Президенти Владимир Путин: «Мектебте билимлер алув аьрекети Россияды бирлестиреди, бизди бир халк этип», – деп, айырым белгиледи. Айырым разылык соьзлер буьгуьн – баьри окытувшыларга, тербиялавшыларга, преподавательлерге, республикамыздынъ билим тармагынынъ баьри специалистлерине. Олардынъ каныгыслы куллык этуьви, йогары кеспилиги мен байланыслы балалардынъ окувда етискен уьстинликлери етимисли болаягы, келеекте олардынъ ким болаягы, кайдай сырагыларга етисееги. Сизге берк ден савлыкты, танълыкты эм шыдамлыкты, а бизим оьсип келеяткан яс несилге – билимлер бийиклигине уьстинликли адымлавды, йогары билимли аьдемлер, элимиздинъ патриотлары эсабында Дагестаннынъ, савлай Россиядынъ оьрленуьвине оьз уьлисин тийгистип болгандай этип оьскенди йорайман.
С.Меликов, ДР Аькимбасынынъ куллыгын кесек заманга юритуьвши.