Бу юмадынъ ишинде Пятигорск каласында йылсайынлык яслар билимлендируьв «Машук-2019» форумы йол алды. Бу шарада Дагестан ясларынынъ делегациясы да катнасады. Форумнынъ программасына СКФО ясларынынъ регионлар аькимбаслары ман йолыгысувы киреди.

Владимир Васильев Сырт-Кавказ федеральли округынынъ субъектлерининъ миллет азбарларын барып карады, форумнынъ майданлары бойынша таныстырув экскурсия этти, дагестан яслары ман йолыгысты. Шарада яс профессионаллар оьзлерининъ туризм, экология, билимлендируьв бойынша проектлерин якладылар. Дагестан Аькимбасы аьр бир проектке маьне берип тынълады, ведомстволар етекшилерине энъ де ийги проектлерининъ яшавга шыгарылувын тергенъиз деп тапшырув этти. Баскалай, Владимир Васильев форум делегатларынынъ соравларына яваплар берди.
Быйыл форум оныншы кере йыйнайды ясларды, «Машук» Сырт-Кавказ еринде яшайтаган ясларынынъ катнасувына ашык майдан болады.