Дагестан Республикасынынъ Ис эм социаллык оьрленуьв министерствосы, Дагестан Республикасынынъ Оькиметининъ (2022-нши йылдынъ кырк кийик айынынъ 5-нши куьнинде кабыл этилинип алынган) токтасына коьре, «Спасибо Интернету –2022» деп аталган, пенсионерлер арасында VIII Савлайроссиялык шарасы озгарылатаганы акында билдируьв этеди.

Бу шара Россия Федерациясынынъ пенсионлы фонды эм «Ростелеком» ПАО, солай ок ясуьйкенлердинъ интернет билимин эм компьютерлик кызыксынувын оьрлендируьвши Координационлык орталыгынынъ ярдамласувы ман уйгынланган.
Шарада катнаспага ниети бар ясуьйкенлер оьз куллыкларын 2022-нши йылдынъ казан айынынъ 15-нши куьнине дейим алынадылар. Шара тамамлары уьстимиздеги йылдынъ караша-карагыс айларында белгили болаяк.
Шарада катнаспага ниети бар аьдемлер azbukainterneta.ru/konkurs/zayavka/ сайтына, оьзининъ акында эссе язып, номинацияга коьре, эки суьврет те салып, йибермеге керек болады.
Енъуьвшилерди шара комиссиясы белгилеек. Шарада катнаспага болатаган пенсионерлер ясы элли ястан оьткен болмага тийисли.
Шарадынъ баьри шартлары да йогарыда белгиленген сайтта бар.