Коронавируслы мараздынъ алдын шалар уьшин медицина куллыкшылары аз куьш салмайдылар, кешеси-куьндизи мен ис орынын тасламайтаганлар да бар. Буьгуьнлерде авырувга карсы прививкалар этилинип басланганлар. Бизим Дагестан Республикамызда коронавируслы маразга карсы биринши прививкады алпыс ясларыннан оьткен, йигерли бес аьдем алган.

Олар алган вакцина «ЭпиВакКорона» деп аталады. Бу аьдемлер сол зарарлы мараз бан авырып, ийги болганлар, ама олардынъ яшав оьмирине кавыфлык энди де тувдырмайды деп айтып болмаймыз, неге десе вакцинасыз ясуьйкенлер риск зонасында боладылар.
Эртеректен бизге белгили болганлай, Россия элинде «ЭпиВакКорона» негизинде пептидли антигенлер болып эм бу вакцина «Вектор» медициналык орталыгы ман аьзирленген. Буьгуьн-лерде Савлык саклав министерствосы сол орталыкка аьзирлеген вакцинасын кулланмага ыхтыяр берген. Аьли уьшин вакцинады алган аьдемлер оьзлерининъ ден савлыкларынынъ осаллыгы акында билдирген ерлер йолыккан йок.