Дагестан Республикасы, ясылшалар оьстируьв ерлерин кенъейтип, коьп онъыс алувга онъланган.
Сонынъ акында айтты оьткен дуьйсемби куьн озгарылган Оперштаб кенъесинде Дагестан Республикасынынъ авыл хозяйство министри Мухтарбий Аджеков.

М.Аджеков белгилегенлей, яшавшыларды «борщ» асувда кулланылатаган ясылшалар ман канагатлавды эсапка алув ман, ведомство ашык грунт еринде шашылган ясылшалар эм картоп эгинлерин арттырувга токтаскан.
– Соны ман, эгер оьткен йыл ясылшалар – 40 мынъ гектар, картоп 19 мынъ гектар ерлерге шашылган болса, быйыл ясылшалар – 42 мынъ гектар, картоп – 20 мынъ гектар ерлерге шашылувы планланган. Биз сол культуралар бойынша субсидия оьлшемлерин арттырганмыз, районлар ман уьйкен уйгынлав куллыгын озгарганмыз.
Айырым белгилегим келгени сол: белгиленген культуралар астына берилген эгинлердинъ 75 процент еринде тамшылар ман сувгарув оьткеруьви токтастырылган эм онда ямгыр явыны ман канагатлавшы агрегатлар бар. Сонынъ аркасы ман мол ясылшалар онъысы алынаяк, – деди ДР авыл хозяйство министри Мухтарбий Аджеков.