РФ Президенти Владимир Путиннинъ тапшырмасы ман келисли кепте, газ уьлестируьвши тармаклар салынып, токтастырылган йорыкта регистрацияланган уьйлер эм ер участоклар газ бан тегин эсабында канагатланувы толысынша этилмеге керек.
Аьлиги заманда «Газпром межрегионгаз» РФ регионлары ман биргелесте сол акта этилмеге тийисли куллыклар кадери акында билдируьвлер йыйган, план-графиклер кепленген, этилинеек куллыклардынъ болжаллары белгиленген.
Газ еткерилмеген уьйлерге соны еткеруьв аьрекети ишине байыр турак уьйлерди газ тармакларына тегин эсабында косув киреди. Олай деген, авыл ишинде тартылган газсетьлери болган яшавшылар пунктларында сол уьйлер турган ер участокларга дейим газпроводлар сетьти тартув.
ЕОГ (единый оператор газификации) – ол газификация соравлары эм уьйлерди газ уьлестируьвши сетьлерге тегин эсабында косувды канагатлавга яваплы орталык. РОГ (региональный оператор газификации) – ол субъект еринде сондай яваплы орталык.
Газ еткерилмеген уьйлерге соны еткеруьв куллыклар эттиртуьв уьшин газ уьлестируьвши организациядынъ сайтына кирмеге яде онынъ орталыкларынынъ (офислерининъ) бирисине келмеге болады. Солай ок быйылдынъ август айыннан алып тегин газификациялавга аьризеди Госуслуги, МФЦ яде CONNECTGAS.RU порталларыннан бермеге эп бар.
Ога тоьмендеги документлер керек:
— ер участокка эм байыр турак уьйге ыхтыяр беретаган документлер;
— аьл мен байланыслы план;
— паспорт, СНИЛС, ИНН эм байланысув уьшин билдируьвлер.
Газ еткерилмеген уьйлерге соны еткеруьв куллыкларын озгарув программага сиз киресиз, эгер сизинъ ба- йыр уьйинъиз эм ер участогынъыз белгиленген йорыкта регистрацияланган эм уьйинъиз газ еткерилген яшавшылар пунктында ерлестирилген болса.
Эгер мен аьризеди март яде май айларында берген болсам, мен тегин догазификация программасына киремен ме?
Тегин догазификация программасына аьризеди берген эм келисуьвди 2021-нши йылдынъ 21-нши апрель куьниннен алып туьзгенлер киреди. Эгер келисуьв сол болжалдан сонъ туьзилип, сиз бен акшасы тоьленип, ТП акт астына кол басылмаган болса, сиз газ уьлестируьвши организацияга тегин пайдаланув акында косымша келисуьв беркитуьв уьшин келмеге боласыз. Сол заманда сизге тоьленген акша амалларын кайтарып берерлер, ама газ тармагына косув акында келисуьв болжалына эс каратылар. Эгер сол келисуьв 2021-нши йылдынъ 21-нши апрель куьнине дейим беркитилген болса, газ уьлестируьвши организация ман тоьленген акша амаллар кайтарылмайды. Соны ман бирге сизде келисуьв беркитуьвин тайдырмага ыхтыяр бар эткен шыктажларды тургызбай, калган кесегин тоьлеп, тегин догазификациялавга аьризе бермеге боласыз.
Участок ишине газ киргистуьвдинъ баасы калай? Ол бу ерде газопровод курылысы бойынша куллыклар оьлшеми мен байланыслы. Соны ман бирге, эгер сиз ер участок ишинде газификацияды газ уьлестируьвши организация куьши мен этпеге токтаскан болсанъыз, ондай буйымлардынъ баасы оькимет пен токтастырылады. Уьй ишиндеги газ алат-ярагы ша? Онынъ (плита, котел, водонагреватель эм с.б.) баасы эм монтаждынъ баасы алат-ярактынъ куватлыгы ман, болдырылув маркасы ман, солай ок аьризе бергеннинъ айтувы ман байланыслы эм косымша эсабында алынады, оны алувга газ уьлестируьвши организациялар ярдамласадылар.
Махмуд Караев, «Газпром Межрегионгаз Махачкала» ООО-нынъ Ногай районы бойынша территориаллык участогынынъ начальниги.
