Алдын билдирилгенлей, «Единая Россия» партиясынынъ Ногай МО Исполкомынынъ беркитилген графигине коьре, Ногай районында аналык эм балалык соравлары бойынша гражданларды кабыл этуьв басланган. Янъыларда Ногай районында ДР бойынша социаллык фонд боьлигининъ клиентлик службасынынъ етекшиси, ДР бойынша «Единая Россия» партиясынынъ Хатын-кызлар козгалысынынъ агзасы Мадина Абдулалимова эм Ногай район Депутатлар йыйынынынъ председателининъ орынбасары Амирхан Арунов гражданларды кабыл этип алдылар. Айтпага, муниципалитет яшавшысы Мадина Нажмудиновна Дильманбетова 2023-нши йыл май айында онынъ кишкей кызына берилетаган пособие тоьлев токтатылган ман байланыслы маьселесин шешпеге тилек салды. Йолыгыс барысында, маьселе ортага салынып ойласылды эм профильли ведомстволар специалистлердинъ катнасувы ман кайбир шаралар коьрилди. Сырагысында пособие тоьленмевдинъ себеплери тайдырылып, документлер пакетине тийисли туьрленислер киритилип, ведомство тармагына йиберилген. Энди бу кыскаяклыга толы оьлшеминде пособие быйылдынъ тамбыз айыннан алып тоьленеек.
А.Межитов,
«Единая Россия» ВВП-нынъ Ногай район ерли боьлигининъ толтырувшы секретари.