А-Х.Джанибеков атындагы мектеб
Кырк кийик айынынъ 1-нши куьнинде элимиздинъ баьри окув ошакларында Билимлер куьни белгиленеди. Баьри зат та кайтараланады: танапыслар, куьндегилик окув эм байрамлар. Буьгуьн мектеблерде шатлыклы шарадынъ сыйлы катнасувшылары – биринши классынынъ окувшыларына биринши занъ согылды.
Баслапкы соьзди мектеб директоры Курасхан Джумагелди кызы Ярикбаева алды. Ол баьрисин де байрам ман кутлап, озган окув йылдынъ, выпускниклер берген сынавлардынъ сырагыларын келтирди эм келеекте баьри окувшыларга, окытувшыларга эм ата-аналарга уьстинликлер йорады. Солай ок кутлав соьзи мен МР «Ногайский район» аькимбасынынъ орынбасары Рашид Шангереев, «село Терекли-Мектеб» МО СП аькимбасы Марат Кулунчаков шыгып соьйледилер.

11-нши классынынъ окувшылары Айгуль Абдулкеримова эм Алима Лукманова, оларга косылып, биринши классынынъ балалары – Сабит Кулунчаков эм Сафия Шокаева йырладылар. Окытувшылар атыннан Диана Рашид кызы Ахмедова соьйледи. Биринши занъды сокпага ыхтыяр 11-нши классынынъ окувшысы Альтаир Джумаевке эм 1-нши классынынъ окувшысы Алим Оразбаевке берилди.

Баьрисин де кутлаймыз Билимлер куьни мен, баьри мыратлар толганын йораймыз.
Г.Бекмуратуратова.
Суьвретте: биринши занъ согылув мезгили.