Газета, баспа шыгармалардынъ бириси болып, бу куьнлерде де аьдем яшавында маьнели орынды тутады. Ол билдируьвлер булагы болады, турмыс-аьл эм маданият, ярыкландырув соравлав ман каьрлейди, эм, оьзек те, ямагат арасында ой-карасты кеплейди. Штаттагы корреспондентлерден баска болып, газетады дуныя юзине эндируьвге салдарлы уьлисин онынъ окувшылары да косадылар, оьз маьселелери акында язып, газета бетлеринде шыккан макалалар бойынша оьз ойлары ман боьлисип. Ама айырым маьнели орынды тутадылар газета исинде белсенлик пен ортакшылайтаган, онынъ бетлеринде оьз макалаларын баспалап шыгаратаган авыл хабаршылар – журналистика ман байланыслы тувыл туьрли кеспи ваькиллери. Коьплеген авыл хабаршылары уьшин ол сонъында бас аьрекет болып саналады, олар калем эм соьз усталыгына уьйренип, журналистлер, язувшылар, шаирлер боладылар, а кайбиревлерге – экинши кеспи эсабында.

Соьйтип, авыл хабаршылык аьрекети мен каьрлеп,
«Шоьл тавысы» «Шоьллик мая-
гы») республикалык газетасын-
да «халк тавысы» болып, ерли-
ерлерде туьзилген яшав-турмыс
аьллер эм етиспевликлер акын-
да, оьз авылында туьрли тармакта куллык эткен эм уьстинликлерге етискен ердеслери эм куьн аьлинде турган коьплеген маьселелер акында язатаганлар аз тувыл
эдилер. Олар – Сраждин Межи-
тов (Куьнбатар), Аминат Сариева (Батыр-Мурза), Айнадин Даутов (Нариман), Сыдыйык Муталимов
(Червленные Бурыны), Сейдахмет Кадыров (Орта-Тоьбе), Эсманбет Абдуллаев (Кумли), Алибек Капланов (Эдиге), Сейпу Сариевич Бекбулатов (Ленинаул), Ахмат
Кульниязов, Саьнетли Янгазиева (Калининаул), Карасай Сатыров (Карагас), Елманбет Агаспаров, Казгерей Абубекеров, Нина
Халилова, Нина Павловна Улыбина (Терекли-Мектеб) эм баскалар.
Олар ана тилинде шыгарылатаган газетага алал болып, районымыздынъ яшавын дурыслык пан суьвретлейтаган баспа шыгармасынынъ иштелигин кызыклы этуьвге сезимли уьлисин косканлар.
Согыстан сонъгы йылларда
штатта болмаган корреспондентлер оьз куллыгы уьшин гонорар алып баслаганлар. Эсимде, мен
ислеген йылларда район газе-
таларында 100 сыдыралы макала уьшин гонорар – 3-5 маьнет, область эм республикалык газеталарында – 10-12 маьнет акша эсабында эди. Хабар уьшин газетада – 25 маьнет, ятлав уьшин – аьр
сыдырага 1 маьнет акша тоьленетаганы эсимде калыпты.
Бизим авыл хабаршыларымыз
– миллетимиздинъ коьрнекли ваькиллери. Олар суьйикли иси мен каьрлеп, яшавда ийги ыз калдырганлар, ана тилинде 95 йылдан бери шыгарылатаган газетамыздынъ йылязбасы бетлеринде орын тапканлар.

Л.Ибрагимовна.