Оьткен юма сонъгы куьн, 12-нши сентябрьде, ДР-нынъ Ногай районынынъ Терекли-Мектеб авылынынъ орталык стадионында оьз службасы бойынша ис борышларын толтырувда ян берген иш ислер боьлигининъ куллыкшысы Эльдар Аджигельдиевтинъ эстелигине футбол бойынша йыл сайын озгарылатаган регионлар ара турнир болып оьтти. Онынъ акында «Шоьл тавысы» газетасына Ногай районы бойынша Россия МВД боьлигининъ юрист-консульты Кайтархан Акмурзаева билдирди. Буьгуьнги турнир мерекели, 10-ншы кере оьткериледи. 

Турнир уйгынлавшылары: «сельсовет Арсланбековский» СП МО администрациясы, районымыздынъ Калининаул яслары, Ногай районы бойынша Россия МВД боьлиги, «село Терекли-Мектеб» СП МО. Баьриси турнирде 7 команда ортакшылады. Биринши орынды Ставрополь крайынынъ Нефтекум районынынъ Каясыл авылынынь командасы бийледи, экинши орынга – ДР-нынъ Кизляр районынынъ Сангиши авыл командасы, уьшинши орынга – ДР-нынъ Ногай районынынъ Карагас авыл командасы тийисли болдылар. Турнирден сонъ катнасувшылар кубоклар ман, медальлер эм грамоталар ман савгаландылар.

 Ногай районы бойынша Россия МВД боьлиги.