<<Бизим ис – дурыслык,
душпан бузылар, енъуьв бизики болар!» – деген соьзлерди
Уллы Аталык согысы басланган биринши куьн, 1941-нши
йылдынъ 22-нши июнинде,
СССР шет эллер ислерининъ
комиссары Вячеслав Молотов
савлай совет халкына каратылган шыгып соьйлевинде айткан. Бу куьнлерде де «Енъуьв бизики болар!» деген шакырув Россиядынъ кызыксынувлары уьшин колларына савыт алып,
куьрескенлерди эм оларды тылда куьткенлерди биргелестире келип, буьгилмеген, берилмеген куьшти белгилейди.
Бу соьзлерди яшавга айлан-
дыратаган коьплеген россиян-
лылар сырасында – Бесей авы-
лында тувган, согыс спецопе-
рация ветераны Вадим Насипа-
лиевич Даиров та бар.
Келеектегиде Аталыкты
коршалавшы «бурение нефте-
газовых скважин» кеспи бойынша Нефтекумск каласын-
дагы регионаллык политех-
нический колледжин окып
тамамлаган. 2010-2011 йылларда Ростов областинде кызмет кылувын оьткен. Толы болмаган мобилизация басланганша, Норильск каласында яшаган, онда «Норильскгазпром»
АО ПГКМ -да тамада кладов-
щик болып куллык эткен. Баь-
ри зат та 2022-нши йылдынъ
казан айынынъ 4-нши куьнинде туьрленди, бу куьн Вадим
Насипалиевич повестка алады. Омск каласынынъ касындагы авылында аьскер уьйренуьвлерди оьтип, 2023-нши йылдынъ канътар айында ол Донецк Халк Республикасында
алдышылыкта явды согып бас-
лайды.
Мергин ротасынынъ взвод
командири болып, Вадим Даи-
ров урыслар озган ерлерде
оьзин коьрсетеди. Энъ де авыр
сынав эди Красногоровкады
алув, ол коьп заманнан бери
явдынъ колындагы беркитпе-
си болган. Вадим бу ердинъ
аьр бир метрын кайдай баа ман
алганларын эсине алады. «Биз
бу ерди душпаннынъ колын-
нан тартып алганга эсап. Бас-
лап 600 метр ер, сонъ 100 метр,
соьйте-соьйте Красногоров-
ка бизге коьшти. Авылды алув
ман байланыслы каты урыслар
танъга бес саьатте басланды-
лар. Баслап «Град» токтавсыз
оттынъ реактивли тармагы ман
атув ашылды, сонъ минометлар
эм танклар шыктылар. Авыл-
дынъ ишин кара туьтин бийле-
ди», – дейди Вадим Даиров.
Каты урыслар болган мез-
гилде, бизим яс яралыларга
ярдам этеди. Россия аьскерлери тек оьз аьскершилерине тувыл,
баьрине де коьмек колын соза-
дылар, биревди де кыйын аьл-
де тасламайдылар. Соьйтип
олар ерли яшавшыларга баска
тынык ерге коьшпеге де ярдам-
ласадылар.
Аьли Красногоровка россия
аьскерлерининъ колында, укра-
ин нацистлери оны кайтарар
уьшин коьп куьш салганлар,
кене де сол шалысувлар уьстин-
ликсиз болган. Вадимнинъ соь-
злери мен, 2-нши Новоселов-
кады коьп бетинде артилле-
рия ярдамы ман алганлар. Оны
йойытып, украин нацистлери
танклар ман контратакага шык-
канлар. Россия Савытлы куь-
шлери танкларга карсы турган
«Рапира» ман биринши танкты
йок эткенлер, сонъ баскалары
артка карап тайганлар.
Оьзек те, согыслар йойым-
сыз оьтпейди. Вадим де оьзи-
нинъ яс янларын берген йол-
дасларын юрек авырувы ман
эсине алады. Красногоровкады
алганда онынъ 20 аьскер йол-
даслары яраланганлар, етеви –
баьтирше ян берген.
Сондай кыйын аьллерде
аьдемге куьш-куватты не зат
береди экен? Вадим Насипа-
лиевичтинъ оьз явабы бар: ол
эткен исининъ дурыслыгы-
на сенуьв эм уьйи мен, ювык
аьдемлери мен байланыслы
ойлары. Уьйинде оны аявлы
ата-анасы Насипали пан Зул-
хичат, суьйикли хатыны Фати-
ма эм уьш кызы куьткенлер.
Олардынъ рахатлы келеектеги-
си уьшин йигит борышын тий-
исли толтырувды бардырган.
Ол берген антына эм онйыллы-
клардан сонъ да элимиз уьшин
энъ де маьнели мыратты эм
баалыкларды коьрсетуьвши
болган тарих соьзлерине алал
болган.
Вадим Даиров аман-эсен
уьйине кайткан. Ол согыс спец-
операция ман байланыслы бил-
дируьвлерди дайым да тынъ-
лайды эм Енъуьв бизим элдики
болаягына сенуьвин бир такый-
кага да коймайды.

Нурият Кожаева.

Суьвретте: Вадим Даиров.