Янъыларда Индия элининъ
Нью-Дели каласында халклар
ара саниятынынъ дуныясы бой-
ынша бек маьнели оьзгерис –
«Ассамблея искусств в Азии»
деген йылсайынлык выставка-
конкурсы йогары коьнъилде
озды. Сол кенъ проекти савлай
дуныядагы суьвретшилерди, графиклерин эм суьвретке алувшыларын бир майданда тыпакластырып йыйган Евразия художестволык союзы ман уйгынланган. Бу йылгы шарадынъ темасы
«Многогранная Русь: семья, традиции и широта души» деп аталып, терен маьнели эм анъ байлыгы ягыннан баска эди.
Выставкадынъ ашылувы
орыс маданиятында кенъ бел-
гили аьел, суьйим эм алаллык-
тынъ коршалавшысы болып
саналган ваьлий Петр эм Февроний Муромские ян косакларынынъ эстеликли куьни мен рас келди. Выставкада Россиядынъ
коьп яклы келбетин ашыклап
коьрсеткен живопись, графика
эм цифровой санияты негизин-
де эки юзден артык шыгармала-
ры каравшылардынъ эсин оьзи-
не караттылар. Экспозиция, айт-
пага, «Русь необъятная», «Русь
семейная» эм «Русь традици-
онная» деген уьш туьрли кесе-
клерине боьлинген эди. Олар-
дынъ аьр бириси Индия элинде
выставкада ортакшылык эткен
конакларга салынган шыгар-
малар аркалы элимиздинъ бай
маданият тарихин билмеге, аьел
баалыкларын эм бай тарихининъ асабалыгын коьрмеге, таныспага амал берди.
Конкурс тоьрешилерининъ
эм выставкага йыйылган кона-
клардынъ эсин белгили ногай
скульпторы, суьвретши-графиги
Кошали Тангатарович Зарманбетовтынъ шыгармалары да оьзине каратпай болмадылар. Онынъ
яратувшылыгы саният меже-
сиз экени, а туьрли халклары-
нынъ аьдетлери ортакроссиялык маданиятына келисли оьрнек болып киретаганына ярык шайытлав болды. Ногай халкынынъ
белгили скульпторы, суьврет-
шиси йогары кол оьнер усталы-
гын коьрсетуьви мен выставка-
конкурсынынъ бир йорыктан
бир неше номинациясында бар-
гылы орынларынынъ иеси эти-
линди. Айтпага, Кошали Тан-
гатаровичтинъ «Семья – крас-
на» деген тема бойынша «Русь
семейная» номинациясында
«Счастье». На берегу Эдиля
(Волги)», «Семья» деген усташа
ясалган шыгармалары биринши
орынды бийледилер.
Скульптор оьз ислеринде уьйкен усталык пан шынты аьел онъайлыгын янландырып, аьел эм несиллер байланысын, аралык йылувлыкты ашык
коьрсетип берген. Солай болып,
«Праздники, игры и забавы Рос-
сии» деген тема бойынша «Русь
традиционная» деген номинаци-
ясында да белгили суьвретши-
миздинъ «Оьртеке» (Ногайский
мини-театр) деген шыгармасы
2-нши орынга тийисли этилин-
ди. Оьз исинде скульптор Коша-
ли Зарманбетов аьвелги эм аьлиги заманнынъ арасында коьпир болган ногай халкынынъ биревге де усамаслы бай яратувшылык асабалыгы ман халклар ара аудиториясын таныстырды.
Белгили саният аьрекет-
шисининъ Азияда саниятлар
Ассамблеясында ортакшылык
этуьви эм онда етимисли енъуь-
ви – ол, оьнерли ногай скульпто-
рымыз Кошали Тангатарович-
тинъ байыр етимиси болып кал-
май, савлай миллет маданияты-
мыз уьшин де маьнели оьзгерислерининъ бириси болды.
Белгили халк оьнеримиз оьз
шыгармалары бойынша «Мно-
гогранная Русь» ортак темасына
ногай аьдетлерининъ де шынты ярасыклыгын каравшыларга
дейим еткерип, олардынъ юре-
клерин бийлеп алды.
Кошали Тангатарович Зар-
манбетовты казанган тийисли
енъуьви мен ак юректен кутлай
келип, келеекте де халкымыз-
дынъ атын данъклаткан янъы
яратувшылык уьстинликле-
ри коьп болып, халкын аьли де
оьктемситип келгенин йорай-
мыз.
Г.Нурдинова.

Суьвретте: выставкадан суьврет.