Дагестан Республикасынынъ Ногай районынынъ орманлык хозяйствосынынъ куллыкшылары 2024-нши йыл шашылган бир йыллык орман оьсимликлердинъ артыннан агрокарав озгардылар. Бу куллыклар календарный планга коьре этилиндилер.
Агрокарав барысында тереклер араларындагы оьлен алынды, бир-бир ерлерде трактор эм сабан кулланылды, баска ерлерде оьленди кол ман уьздилер. Янъы шашылган тереклерди карав ислери 10 гектар ерде оьткерилди. Трактор ман сабан «Экология» миллет проекти бойынша алынган.
Даглесхоздынъ етекшиси Вагаб Абдулхамидов орманшылардынъ эсин шоьл еринде тереклердинъ артыннан ийги этип карамага керек деген ойга каратты.
Бизим хабаршы.