Россельхозцентр Дагестан филиалынынъ куллыкшылары аьр куьн сайын ушатаган шегерткидинъ барма-йокпа эке-
нин билуьв ниетте авыл хозяйство ерлеринде тергев юритедилер. Уьйкен оьлшемли тергевлердинъ сырагыларына коьре, республикадынъ сырт якларындагы кырларында эгиншилердинъ явы табыл-
маган. Сол себептен авыл хозяйство культураларына зарар этилинмегени эсапка
алынган.
Соьйтип, оьткен тыншаюв куьнлеринде бир неше авыл хозяйство кооперативлерининъ ерлери, солай ок коьшимли
малшылык отлаклары тергелген эдилер.
Айырым кыр бойларында кара шегерткидинъ (серый кузнечик) барлыгы белгиленген, бу айван аьдемлерге де, оьсимли-

клерге де кавыфлы тувыл.
«Аьлиги заманларда 50 мынъ гектарлардан артык майданларга дарманлар
себилгенлер. Ер уьстиндеги шаралардан баскалай, авиацияды кулланув аркасы
ман куллыклар оьткерилип басланганлар, сол куллыклар 4,7 мынъ гектардан артык
ерлерди бийлегенлер. Баьри ис шаралары да бизим куллыкшылардынъ белсенли катнасувы аркасы ман юритиледилер. », – деп белгилеген филиалдынъ етекшиси Жанна Казанбиева.
Баьри шаралардынъ артыннан тергевди Дагестан Авыл хозяйство эм азыктуьлик министерствосынынъ басшылы-
гы эм авыл хозяйство район управлениелерининъ, МЧС эм баска туьрли профильли туьзилислердинъ катнасувы аркасы ман регионаллык оперативлик штабы онълап турады.