Янъыларда «Классные встречи» Савлайроссиялык проекти бойынша Кизляр районынынъ Новогладовка авыл мектебининъ окувшыларына согыс спецоперация катнасувшысы А.М.Гаджиев пен йолыгыс озгарылып, оны ман йылы кенъеспеге амал болды.
Шарадынъ барысында СВО катнасувшысы окувшыларга аьскершилердинъ куьндегилик яшавы, согыс борышын толтырувынынъ баскалыгы, дослыктынъ орыны, кардаш-тувганлардынъ коьтергишлеви акында хабарлап эситтирди. Ол балаларга элин коршалавшысында, айтпага, коркынышсызлык, оьзин кайсы аьллерде де тутып болув, шыдамлылык, кайдай тыскары аьллерде де сабырлык тутув сапатлары болмага кереги акында хабарлап озды.
Йолыгыстынъ сонъында, согыс спецоперация катнасувшысы А.Гаджиев мектеб окувшыларына оьзинънинъ эм баскалардынъ алдында дайым аьдил болмага, билимди, исти баалап билмеге, баска болып, тынышлы коьги уьшин янларын курман эткен йигитлердинъ акында дайым эслеринде тутпага маьнели маслагатларын берип, йылы йоравларын багыслады.
Суьвретте: йолыгыстынъ оьтуьв мезгили.