Ногай районында 1 мынъ гектар ерлерде шегерткидинъ хыйлы кесеги табылганы
эсапка алынган.

Сонынъ акында Дагестан Республикасы бойынша Россельхозцентр билдирген. Ведомстводынъ
айтувы ман, республикада 2024-нши йылдынъ куьзиннен алып эм 2025-нши йыл эсабында шегерткиден тура 292,2 мынъ гектар ерлер тергелгенлер. Шегертки топарынынъ
юмырткалары бойынша авыл хозяйстволык ерлерининъ 123,6 мынъ гектар майданлары тергелип алынган.
Баьриси 44,7 мынъ гектар эгин кырларда шегерткидинъ юмырткалары барлыгы белгиленген, сол шаклы ер оьлшемининъ 33 мынъ гектарына дарманлар шашылган.