Оьткен юма ишинде «Казыят» саваплык фондынынъ председатели Рашид Акказиев эм сол ок фондынынъ толтырувшы етекшиси Арслан Акбердиев Ставрополь крайынынъ Мусылманлардынъ дин управлениесинде муфтий Мухаммад хаджи Рахимов пан йолыгыстылар. Олардынъ келуьвининъ бас мырады – «Казыят» саваплык фонды эм етекшилеви астында Ставрополь крайы бойынша
коьплеген ногай авылларындагы межигитлери болган Ставрополь крайынынъ Мусылманлар
дин управлениеси мен келеекте аралык байланысларды беркитуьв эди. Ставрополь крайынынъ муфтийи конакларга деп Дин управлениесининъ меканы ишиндеэкскурсия да озгарды, оларды
межигиттинъ ишки художестволык кепленуьви мен таныстырды. Баска болып, ол конакларды
янъы ашылган эм буьгуьнлерде онда 12 кыскаяклылар, солардынъ бесеви ногай миллетли
кызлар да билим алатаган, Ставрополь крайынынъ Мусылманлардынъ дин управлениесининъ
демевлиги мен ашылган кыскаяклылар уьшин медресеге де бармага шакырды. Муфтий Мухаммад хаджи Рахимов Пятигорск каласындагы медресеге «Казыят» саваплык фондынынъ сайтында, мусылманлардан коьбисинше, ногай халкыннан куьши мен бир миллион акша эсабында йыйылган материаллык ярдамы уьшин уьйкен разылыгын да билдирди.
Эки як та, коьбиси ногайлар болган, Ставрополье мусылманларынынъ онъайлыгына етимисли биргелес аьрекетлевин бардырмага каратылган ниетин билдирдилер. Йолыгыстынъ сонъында муфтий келген конакларды ас-сув ман сыйлап, ногай миллетли мусылманларга йылы саламларын йиберип, йолга салды.
Суьвретте: шарадан коьринис.